Nagpatupad ang Pilipinas ng pansamantalang pagbabawal sa pag-angkat ng live pigs, karneng baboy, balat ng baboy at iba pang pork-based products mula Taiwan matapos makumpirma ang African swine fever (ASF) outbreak doon.
Ayon kay Department of Agriculture Secretary Francisco Tiu Laurel Jr., kinakailangan ang hakbang upang maprotektahan ang multibillion-peso hog industry ng bansa laban sa highly contagious na sakit.
Inatasan niya ang agarang suspensyon ng lahat ng importasyon mula Taiwan, kabilang ang semen para sa artificial insemination, na mananatiling epektibo hanggang sa opisyal na maalis ang utos.
Pinaiigting din ng mga opisyal ng agrikultura ang biosecurity measures upang maiwasan ang pagpasok ng bagong ASF strains at mapanatiling matatag ang lokal na suplay ng karneng baboy.
Share this post:
