Malugod na pagbati ang ibinigay ng Senado sa Alas Pilipinas para sa kanilang makasaysayang ika-19 na pwesto sa 2025 FIVB Men’s World Championship.
Ayon kay Sen. Alan Peter Cayetano, ang tagumpay ng koponan ay nagdala ng malaking karangalan sa bansa at patunay na kayang magtagumpay ng mga Pilipinong atleta kapag nabibigyan ng tamang oportunidad.
Lahat ng 24 na senador ay sumuporta sa resolusyon, kabilang sina Senate Majority Leader Migz Zubiri at mga senador Kiko Pangilinan, Joel Villanueva, at Erwin Tulfo.
Dumalo sa Senado ang mga opisyal ng Philippine National Volleyball Federation at ang mga miyembro ng Alas Pilipinas, kabilang sina head coach Angiolino Frigoni at team captain Bryan Bagunas, na tumampok bilang ikatlong top scorer sa torneo.
Share this post:
