Hindi makitaan ng ebidensya ng Commission on Elections Political Finance and Affairs Department (Comelec-PFAD) ang reklamo laban kay Senator Chiz Escudero at Centerways Construction Development Inc. President Lawrence Lubiano hinggil sa ₱30 milyong donasyon nito noong eleksyon.
Sa resolusyon, inirekomenda ng PFAD na itigil na ang imbestigasyon sa dalawa; magkahiwalay umano ang entidad at legal personality ng Centerways at Lubiano kahit pa siya ang presidente nito.
Ayon sa departamento, personal lamang ang kontribusyong ito ni Lubiano kay Escudero.
ADVERTISEMENT
Wala rin umano siyang kontrata sa gobyerno o kinalaman sa mga konstruksyon ng kumpanya nito kaya wala itong paglabag sa Section 95(c) ng Omnibus Election Code na pinagbabawalan ang mga kandidatong tumanggap ng campaign donation mula sa mga contractor na may negosasyon sa gobyerno.
Share this post:
