Bibida ang ilang pelikulang Pilipino sa International Film Festival Rotterdam (IFFR) sa The Netherlands na nagsimula noong January 29 hanggang February 8.
Kabilang sa official selection sa Big Screen Competition ng film festival ang pelikulang Moonglow ni Isabel Sandoval.
Kasama naman sa Harbour programme ang 58th ni Carl Joseph Papa, First Light ni James J. Robinson, at Magellan ni Lav Diaz.
Kabilang rin sa official selection ang Quezon ni Jerrold Tarog, I Grew an Inch When My Father Died ni P.R. Monencillo Patindol, Cinemartyrs ni Sari Dalena, at Car Aircon Electrical Autocartoons ni Gertjan Zuilhof.
ADVERTISEMENT
Maliban dito, may ilan pang napabilang sa film market ng IFFR. Nasa Producers Lab rin ang producer na si Christelle Lou Dychangco, habang nasa Creators Lab naman ang director at screenwriter na si Zig Dulay.
Talaga namang nangingibabaw sa pandaigdigang entablado ang pagkamalikhain at husay sa pagkukuwento ng mga Pilipino.
Share this post:
