Ipinag-utos ni Pangulong Marcos Jr. ang agarang paglilinis ng mga estero at drainage para maiwasan ang malalang pagbaha ngayong tag-ulan lalo na sa Metro Manila.
Ayon kay Communications Undersecretary Claire Castro, naglunsad na ang MMDA ng clean-up sa dalawampu’t tatlong pangunahing estero sa kamaynilaan gamit ang mga makabagong kagamitan.
Target din ng gobyerno na isali sa paglilinis ang mga benepisyaryo ng DOLE-TUPAD program.
Samantala, pinag-aaralan na rin aniya ng pangulo ang kahilingan ni Interior Secretary Jonvic Remulla na pangunahan ang pagbibigay ng direktiba sa pagsusupindi ng klase tuwing may bagyo.
Share this post:
