Pansamantalang ipinagbabawal ng Department of Agriculture (DA) ang pag-angkat ng mga ibon at produktong poultry mula Argentina upang maiwasan ang posibleng pagkalat ng highly pathogenic avian influenza (HPAI) o bird flu.
Nilagdaan ni Agriculture Secretary Francisco Tiu Laurel Jr. ang Memorandum Order No. 48 matapos kumpirmahin ang H5N1 outbreak sa nasabing bansa.
Ayon kay Tiu Laurel, ang strain ng bird flu ay nagdudulot ng seryosong banta hindi lamang sa industriya ng manok sa Pilipinas kundi pati na rin sa kalusugan ng publiko.
Sa ilalim ng kautusan, sususpindihin ng Bureau of Animal Industry ang lahat ng aplikasyon at pag-isyu ng sanitary at phytosanitary import clearances para sa poultry meat, sisiw, itlog, at semilya para sa artificial insemination mula Argentina.
Share this post:
