Popondohan na ang 12.3 bilyong pisong kakulangan para sa implementasyon ng Universal Access to Quality Tertiary Education Act sa taong 2026, ayon kay Nueva Ecija 1st District Representative at Appropriations Chair Mikaela Suansing.
Sa special provision ng 2026 General Appropriations Bill, inuutusan ang Commission on Higher Education (CHED) na maglaan ng higit ₱7.8 billion na mula sa Higher Education Development Fund.
Para naman sa natitirang mahigit ₱4.4 billion deficit, nangako ang Kongreso na pupunan nila ito.
Paglilinaw ni Suansing, ilalagay sa General Appropriations Act ang pondong ilalaan ng Kongreso.
ADVERTISEMENT
Ikinatuwa naman ni Akbayan party-list Representative Chel Diokno ang naging desisyon ng Kamara at inanunsyo rin na may karagdagang 9.3 bilyong piso na ilalaan para sa Tulong Dunong Program at Tertiary Education Subsidy.
Ipinatupad ang Universal Access to Tertiary Education Act noong 2017, at sa kasalukuyan ay may 2.3 milyong estudyante ang nakikinabang dito, ayon sa CHED.
Share this post:
