Nagsanib-puwersa ang Metropolitan Manila Development Authority (MMDA) at Japan International Cooperation Agency (JICA) para sa bagong proyektong “Capacity Enhancement on Traffic Management with Improvement of Intelligent Transportation Systems (MMITS) in Metropolitan Manila” na layuning mapabuti ang daloy ng trapiko sa Kalakhang Maynila.
Ayon kay MMDA Chairperson Don Artes, ang tatlong taong proyekto ay bahagi ng ‘Bagong Pilipinas Agenda’ na isinusulong ang paggamit ng makabagong teknolohiya, data-driven na solusyon, at pagpapalakas ng kakayahan ng mga institusyon sa pamamahala ng trapiko.
Bahagi rin ito ng mas malawak na limang taong Action Plan for Traffic Management, at ikalawang kolaborasyon ng MMDA at JICA kasunod ng Comprehensive Traffic Management Plan.
Share this post:
