Naglabas ng show-cause order ang Land Transportation Office (LTO) laban sa isang ama sa Echague, Isabela, matapos mag-viral ang video ng kanyang menor de edad na anak na nagmamaneho ng sasakyan.
Makikita sa video na nakaupo lamang sa likod ang ama habang pinapabayaan ang bata, na nagdulot ng pangamba sa ibang motorista.
Dahil dito, pinapanagot ng LTO ang ama sa posibleng paglabag sa reckless driving at improper person to operate a motor vehicle.
ADVERTISEMENT
Iniutos ni LTO Chief Assistant Secretary Markus Lacanilao ang 90-day suspension ng lisensya ng ama habang hinihingi ang kanyang written explanation sa loob ng tatlong araw.
Ayon kay Lacanilao, lubhang delikado ang pagpapamaneho sa isang menor de edad at maaaring magdulot ng aksidente sa kalsada.
Share this post:
