Nagsampa ng kasong kriminal at administratibo si Davao City Mayor Baste Duterte sa Ombudsman laban sa ilang opisyal ng gobyerno kaugnay ng pagpapadala kay dating Pangulong Rodrigo Duterte sa International Criminal Court (ICC) sa The Hague, Netherlands.
Batay sa complaint, haharap sa walong counts ng arbitrary detention sa ilalim ng Article 124 at Article 267 ng Revised Penal Code (RPC), at dalawang counts ng paglabag sa rights of person’s arrest ng Republic Act 7438.
Kasama rin dito ang diumano’y paglabag sa Anti-Torture Act na qualified sa ilalim ng Article 148, expulsion sa ilalim ng Article 127, usurpation of judicial functions sa ilalim ng Article 241, at paglabag sa Section 3(a) at Section 3(e) ng Anti-Graft and Corrupt Practices Act o RA 3019.
Kabilang sa mga inakusahan sina DILG Secretary Jonvic Remulla, Defense Secretary Gilbert Teodoro, National Security Adviser Eduardo Año, Justice Secretary Boying Remulla, Justice Undersecretary Ty, PNP General Benjamin Marbil, PNP Chief Torre III, Special Envoy Lacanilao, at iba pang opisyal ng pamahalaan. (Denniel Salayo/ News Light)
ADVERTISEMENT
Share this post:
