Naglatag ang Department of Education (DepEd) ng mga hakbang bilang paghahanda sa posibleng class suspensions ngayong tag-ulan.
Sa Agosto 2025, papalitan ang pansamantalang silid-aralan sa high-risk zones ng mas matibay at mobile modular classrooms.
Ilulunsad din ang AI-powered system para matukoy ang geohazard risks at mapabuti ang contingency plans.
Binigyang-diin ni Angara ang maingat na pagdedeklara ng suspensyon ayon sa revised guidelines noong Disyembre 2024, na nagbibigay ng pahintulot sa mga punong-guro na magdeklara ng localized suspensions.
Isinusulong din ang learning and service continuity plans gamit ang self-learning modules, online platforms, ligtas na storage ng learning materials, at teacher training.
Inaasahang ilalabas din sa ika-15 ng Hulyo ang Omnibus Flexible Learning Policy para sa mas malawak na access sa edukasyon. (Edrei Mallorca/News Light)
Share this post:
