Itinalaga ni Pangulong Ferdinand Marcos Jr. si Dave Gomez bilang bagong kalihim ng Presidential Communications Office (PCO), kapalit ni Jay Ruiz.
Ayon kay Communications Undersecretary Claire Castro, bitbit ni Gomez ang higit dalawang dekadang karanasan sa media, gobyerno, at pribadong sektor bilang beteranong journalist, dating Philippine Information Agency chief, at communications director ng Philip Morris Fortune Tobacco Corporation.
Si Gomez ang ikalimang PCO secretary sa ilalim ng administrasyong Marcos kasunod ni Ruiz, Cesar Chavez, Cheloy Garafil, at Trixie Cruz-Angeles.
Samantala, itinalaga naman si Jay Ruiz bilang board member ng Manila Economic and Cultural Office (MECO).
ADVERTISEMENT
Kasabay nito, inanunsyo rin ng Palasyo ang pagtatalaga kay Atty. Sharon Garin bilang kalihim ng Department of Energy matapos ang paglipat ni Rafael Lotilla sa Department of Environment and Natural Resources (DENR).
Share this post:
