Nagpahayag ang Chinese Embassy sa Maynila na magdo-donate ang China ng kabuuang ₱141 milyon bilang tulong humanitario sa Pilipinas matapos ang pananalasa ng Bagyong Tino at Super Typhoon Uwan.
Ayon sa embahada, kabilang dito ang 1 milyon USD o humigit-kumulang ₱58 milyon na cash at 10 milyong Chinese yuan o ₱82.8 milyon na tulong materyal para sa mga biktima.
ADVERTISEMENT
Dagdag pa rito, nagpaabot din ng agarang tulong ang ilang lalawigan sa China, mga lokal na komunidad na Tsino, at mga negosyong Tsino sa Pilipinas.
Matatandaang malawakang pinsala ang iniwan ng Super Typhoon Uwan sa Luzon at Visayas, habang si Typhoon Tino naman ay nagdulot ng matinding pagbaha sa Visayas at Mindanao na ikinasawi ng daan-daang katao.
Share this post:
