Nagpakitang-gilas si Bjorn Kristensen para sa Philippine men’s national football team matapos nilang makuha ang 2-2 draw laban sa Tajikistan sa AFC Asian Cup qualifiers nitong Martes sa New Clark City Athletic Stadium.
Si Kristensen ang nagbukas ng scoring sa ika-28 minuto na ikinatuwa ng pinakamalaking crowd sa venue mula pa noong 2019 SEA Games.
Subalit agad nakabawi ang Tajikistan sa pamamagitan ni Mabatshoev Shervoni sa ika-30 minuto, at sinundan ito ng go-ahead goal ni Umarbaev Parvizzhon bago matapos ang unang kalahati.
Sa ika-79 minuto, muling nagpakitang-gilas si Kristensen at sinelyuhan ang tabla matapos niyang i-convert ang long kick ni Kevin Hansen sa isang breakaway goal.
Parehong may apat na puntos ang Pilipinas at Tajikistan, ngunit lamang ang Azkals sa goal difference sa Group A.
ADVERTISEMENT
Susunod nilang makakaharap ang Timor Leste sa Oktubre 9.
Share this post:
