Patuloy na lumalakas habang kumikilos sa West Philippine Sea, hilaga ng Kalayaan Islands ang Bagyong Tino.
Ayon sa ahensya, taglay nito ang hangin na 155 km/h at bugso na 190 km/h, habang kumikilos pakanluran-hilagang kanluran sa bilis na 35 km/h.
Nasa labas na ng Philippine Area of Responsibility (PAR) ang bagyo, ngunit nakataas pa rin ang Signal No. 1 sa Kalayaan Islands dahil sa malalakas na hangin.
ADVERTISEMENT
Samantala, isa pang bagyong nasa labas ng PAR na pinangalanang tropical storm Fung-Wong ang patuloy na lumalakas at inaasahang papasok sa bansa sa Sabado bilang “Bagyong Uwan.”
Posible itong mag-landfall sa hilaga o gitnang Luzon sa Lunes, Nobyembre 10.
Share this post:
