Naniniwala si dating Senate President Franklin Drilon na posibleng sa Korte Suprema rin mauwi ang usapin sa bilang ng botong kailangan o tinatawag na threshold para ma-convict si Vice President Sara Duterte sa impeachment trial.
Sa Miyerkules, September 23, maghahain ng oral arguments ang prosecution at defense bago magpasya ang impeachment court sa 16-vote threshold.
Nauna nang nagpasya si Presiding Officer Chiz Escudero na kailangan ang 16 na boto sa 24 na senador para sa conviction.
Pero muling binuksan ang usapin dahil apat na senator-judges ang kasalukuyang hindi nakakadalo sa trial.
Ayon kay Drilon, nasa Senado ang pinakakapangyariha na subukan at pagdesisyunan ang impeachment cases.
ADVERTISEMENT
“The SC may entertain petition for review of decision of the impeach court because it involves interpretation of the Constitution. It is authorized, within its power to interpret the Constitution and correct the Senate if in fact the interpretation is wrong. So, it is an open question, Karen, whether or not SC will interfere. If she’s not back in the PH, she should not be allowed to vote because voting must be personally done. You can’t vote by electronic means. The impeachment court has no jurisdiction over Sen. Marcoleta and Sen. Estrada,” ani Drilon.
Pero posible aniyang maiharap sa Korte Suprema ang isyu kung may petisyong kumukuwestiyon sa interpretasyon ng Konstitusyon o umano’y may grave abuse of discretion.
