Ipinagdiwang nina Justin Bieber at Hailey Bieber ang kanilang ika-walong anibersaryo bilang mag-asawa.
Nagbahagi ang pop star sa Instagram ng ilang larawan nila ni Hailey bilang pagdiriwang sa kanilang wedding anniversary, kasabay ng mensaheng “8 years until infinity.”
Makikita sa mga litrato ang ilang sweet moments ng mag-asawa, habang sabay nilang minamarkahan ang isa na namang milestone sa kanilang relasyon, tanda ng kanilang pagmamahalan at pangakong magkasama habambuhay.
Magugunitang ikinasal sina Justin at Hailey noong September 13, 2018 sa New York City Courthouse.
