Meralco rates, bahagyang bumaba ngayong Setyembre

Bumaba nang bahagya o humigit-kumulang P0.04 kada kilowatt-hour ang electricity rate ng Meralco ngayong Setyembre.

Ayon sa Meralco, dahil dito, bumaba sa halos P15 kada kilowatt-hour ang overall rate.

Ibig sabihin, makakatipid ng humigit-kumulang P8 sa kabuuang bill ang isang residential customer na kumokonsumo ng 200 kilowatt-hour bawat buwan.

P12 naman sa mga kumokonsumo ng 300 kilowatt-hour.

P16 naman ang matatapyas sa mga kumokonsumo ng umaabot sa 400 kilowatt-hour.

Habang nasa P20 naman ang menos sa kumokonsumo ng 500 kilowatt-hour.

Pangunahing dahilan ng pagbaba ang mas mababang ancillary service charges at taxes dahil sa mas mababang singil mula sa reserve market.