Kinumpirma ng Palasyo na walang banta sa buhay ni Vice President Sara Duterte.
Ayon kay Palace Press Officer Usec. Claire Castro, walang natatanggap na ulat ang mga awtoridad kung nasa panganib ang buhay ng Bise President.
“Ngayon lang po ito nagsulputan, kung papansin ninyo po, noong nakuwestyon na siya dahil siya mismo ang nagbanta sa buhay ng Pangulo, First Lady at dating Speaker. Wala pong record, wala pong pagsusumbong, wala pong reklamo,” saad ni Castro.
Dagdag pa ni Castro, mayroong security personnel si Duterte para matiyak ang kaniyang kaligtasan.
