Dagdag-tulong sa mga college at tech-voc students sa bansa, nilagdaan ni Pangulong Marcos Jr.

Nilagdaan ni Pangulong Ferdinand Marcos Jr. ang batas na nagpapalawak sa tulong ng gobyerno, para sa mga college at tech-voc student sa bansa.

Sa ilalim ng Republic Act 12325, palalakasin ang Free Tertiary Education Program, lalo na para sa mahihirap at disadvantaged na mga estudyante.

“We often speak of our youth as the seeds of our nation’s future. We hope to see them grow and thrive, and reach their full potential, but even the strongest seeds cannot flourish without fertile ground. That is why expanding access and improving the quality of our tertiary education are among the most important investments we can make in our people and in the future of our country,” pahayag ng Pangulo.

Uunahin sa Tertiary Education Subsidy, ang mga kuwalipikadong estudyante mula sa 4Ps families.

Habang layon ding sagutin ang mga gastusing maliban sa libreng tuition, kabilang dito ang internship o required training, professional licensure expenses, at dagdag-allowance, para sa mga estudyanteng may kapansanan.

Maaari ring bigyan ng isang taong extension ang mga estudyanteng hindi makatapos sa takdang panahon, dahil sa makatwirang dahilan.

Inatasan din ang mga State and Local Universities at state-run tech-voc schools, na maglatag ng suporta para sa disadvantaged learners, gaya ng fee waivers at priority access sa mga pasilidad.