Pinay singer, nakamit ang unang karangalan sa Washington Int’l Competition

Nangibabaw muli ang tinig ng Pilipino sa pandaigdigang entablado!

‘Yan ay matapos makamit ni Filipina singer Michelle Mariposa ang first prize sa 2026 Washington International Competition.

Nakuha ng mezzo-soprano singer ang parangal matapos magtanghal ng limang awitin kabilang ang Ako’y Nangarap ni Antonino Buenaventura at Parto, ma tu ben mio ni Mozart.

Dahil dito, mag-uuwi si Michelle ng US$10,000 na premyo.

Noong nakaraang taon, itinanghal rin ang Pinay singer na grand finals winner ng Metropolitan Opera Laffont Competition.

Kaya naman congratulations, Michelle Mariposa, para sa iyong parangal!