Ipinahayag ng International Olympic Committee (IOC) na tanging mga biological na babae lamang ang papayagang makalahok sa mga women’s events sa Olympic Games.
Ayon sa IOC, matutukoy ito sa pamamagitan ng gene screening upang matiyak ang kasarian ng mga kompetitor.
Layunin ng bagong polisiya na maprotektahan ang kategorya ng kababaihan sa larangan ng elite sports.
Bahagi ito ng hakbang ng IOC upang magpatupad ng iisa at pantay-pantay na panuntunan para sa lahat ng kababaihang atleta sa mga pandaigdigang kompetisyon.Ayon sa komite, kailangang mabigyan ng dignidad at respeto ang mga kababaihang atleta, lalo na sa larangan ng international sports, at ang screening na ito ay isang beses lamang sa kanilang buhay. (Austin Gonzaga/News Light)
