Inilunsad ng Department of Transportation (DOTr) ang “Isang Piso” o pisong RoRo terminal fee para sa mga Class 3 at Class 4 vehicles na may kargang agricultural products sa pantalan simula ika-15 ng Abril.
Ayon sa DOTr, ito ay bunsod ng mega oil price hike, at sa paglulunsad nito sa mga port areas o pantalan ay magbibigay ginhawa sa mga mangangalakal upang hindi biglang itaas ang mga produktong agrikultural.
Ang pisong terminal fee para sa mga Class 3 at 4 vehicles na may dalang agri products ay tatagal ng anim na buwan o hanggang Setyembre lamang.
Aabot sa ₱65 hanggang ₱516 ang binabayaran ng mga partikular na sasakyan para lamang sa terminal fee na magiging piso na lang ito kung sakaling maging epektibo sa Abril 15. (Austin Gonzaga/News Light)
