Gumawa ng kasaysayan ang mga Pinoy math wizards sa Southeast Asia Mathematical Olympiad (SEAMO) X 2026 na isinagawa sa Bali, Indonesia.
Natanggap nina Adrian Jeric Cheng Ang mula sa Xavier School San Juan at Carsten Edmund-Ang mula sa Chinese International School Manila ang prestihiyosong SEAMO Legendary Special Award.
Ito ay dahil sa kanilang consecutive na pagkapanalo ng gintong medalya sa SEAMO X 2024 sa Singapore, SEAMO X 2025 sa Kuala Lumpur, at ang SEAMO X 2026 sa Bali.
Sa ilalim ng pagtuturo ng Mathematics Trainers’ Guild Philippines, nag-uwi ang Team Pilipinas ng kabuuang apat na gold medal, limang silver medal, apat na bronze medal, 23 merit awards, at 4 credit awards.
ADVERTISEMENT
Hinarap nila ang halos 1,200 na mga math wizards mula sa 16 na bansa gaya ng Australia, China, at Singapore.
Pagbati para sa lahat at we are proud of you!
