Nanindigan ang Malacañang na nasusunod ang due process sa kaso ni dating Senador Bong Revilla.
Sinabi ito ng Palasyo kasunod ng impeachment complaint laban kay Pangulong Ferdinand Marcos Jr.
Isa kasi sa mga dahilan na inilatag sa impeachment complaint ang umano’y pagbubuo ng Pangulo ng Independent Commission for Infrastructure (ICI) para protektahan ang kanyang mga kaalyado.
Bagay na pinasinungalingan ng Palasyo.
ADVERTISEMENT
Ayon kay Palace Press Officer Atty. Claire Castro, patunay ang kaso laban kay Revilla, na kaalyado ni Marcos Jr., na seryoso ang Pangulo sa pagpapapanagot sa mga sangkot sa katiwalian.
