Inilunsad ng Filipino at Japanese naval at air units ang kanilang ikatlong bilateral Maritime Cooperative Activity (MCA) sa West Philippine Sea.
Ayon sa AFP, ipinapakita ng aktibidad ang patuloy na paglakas ng ugnayang-depensa sa pagitan ng Pilipinas at Japan.
Lumahok ang BRP Antonio Luna, isang AW-159 Wildcat helicopter, at isang C-208B surveillance aircraft, habang dinala naman ng Japan Maritime Self-Defense Force ang guided-missile destroyer na JS Harusame at isang SH-60K helicopter.
Kabilang sa isinagawang interoperability activities ang division tactics, photoex, at cross-deck landing exercises upang mapahusay ang koordinasyon ng dalawang puwersa.
