Nasungkit ng international men’s basketball team na Gilas Pilipinas ang una nitong panalo para sa FIBA World Cup qualifiers noong Biyernes.
Dinurog ng Gilas ang Guam sa iskor na 87-46, sa University of Guam Calvo House.
Bagamat humataw sa first quarter ang isa sa mga players ng Guam, kaagad naman itong binawian ng Gilas sa second half ng laro.
Pinagunahan ni Justin Brownlee ang Gilas na may ambag na 22 points, 2 rebounds, 2 assists, at 2 steals.
ADVERTISEMENT
At nagpakitang Gilas din naman si Quentin Millora-Brown na umambag ng 6 points, 10 rebounds, 3 blocks, at 1 assist.
Ngayong gabi ay laban naman ng Gilas sa ating home court, na gaganapin mamayang gabi sa Ateneo Blue Eagle Gym sa Quezon City. (Austin Gonzaga/News Light)
