Inaasahang aarangkada ngayong Disyembre ang mga Dalian trains, ayon sa Department of Transportation (DOTr).
Matapos mag-commute ni Transportation Secretary Giovanni Lopez mula Cainta nitong Martes, dumiretso ang DOTr sa MRT-3 depot sa Quezon City para inspeksyunin naman ang mga Dalian trains.
“Safety and requirements checks at maging mga procedures for utilization” ang kailangan upang magamit ang tatlong “three-car” Dalian trains, ayon kay Sec. Lopez.
Dagdag pa ni Lopez, inaasahan namang makakatulong ito sa mga komyuter kaya’t kailangang masiguro ang kaligtasan nito.
ADVERTISEMENT
Kasama sa inspeksyon sina MRT-3 General Manager Mike Capati, LTFRB Executive Director Loumer Bernabe, Sumitomo Corp. Philippines manager Hidenori Sunohara, at China Railway Rolling Stock Corporation senior regional manager Damien Chang. (Austin Gonzaga/News Light)
