Maagang ipamimigay ngayong Nobyembre ang year-end bonus at ₱5,000 cash gift, ayon sa Malacañang.
Nakalaan ang halos ₱64 bilyong budget para sa year-end bonus ng mga civilian at uniformed personnel, at humigit ₱9 bilyon naman para sa cash gift ng mahigit 1.8 milyong gobyernong empleyado sa buong bansa.
Ayon kay Communications Undersecretary Claire Castro, pagpapakita ito ng Marcos administration ng pagpapahalaga sa mga lingkod-bayan at sa kanilang kabayanihan para sa bayan.
Bagamat wala pang tiyak na petsa ng release, tiniyak ng Palasyo na mas maaga ito kaysa sa nakagawian.
