Nakapagtala ng high record ang bansang Taiwan sa bagong nationwide survey na inilabas ng Social Weather Stations (SWS).
Sumipa ang net trust rating ng Taiwan sa +18 noong Hunyo, mula sa +13 noong Abril mula nang magsimula ang tracking ng Filipino views sa bansa ang SWS taong 2013, base sa release nitong Martes.
Lumabas sa survey na 42% ng mga Pinoy ay may much trust o malaking tiwala sa Taiwan, laban sa 24% na little trust at 31% na undecided.
Ginawa noong Hunyo sa 1,200 Pinoy nationwide, tinanong ang respondents ng survey sa kanilang trust rating sa 11 bansa mula “very much” hanggang “very little,” o hindi pa pamilyar sa bansang nabanggit.
ADVERTISEMENT
Relevance sa Philippine foreign affairs ang basehan ng SWS sa napiling mga bansa. Pang-apat na ang Taiwan sa highest trust rating, kasunod ng Estados Unidos, Japan, at Australia. (Denniel Salayo/ News Light)
