Nagkainitan ang ilang mambabatas sa unang araw ng imbestigasyon ng Kamara hinggil sa maanomalyang flood control projects.
Handa na sanang ipaliwanag ni Navotas Representative Toby Tiangco ang higit ₱13 bilyong budget insertion sa 2025 national budget na pakana umano ni Ako Bicol Representative Zaldy Co.
Pero sumabat si Deputy Speaker Janette Garin dahilan para magtaas ng boses si Tiangco.
Nauwi ito sa suspensyon ng sesyon.
Panawagan ni Tiangco na imbitahan si Co sa imbestigasyon ng Kamara bilang resource person para mabusisi ang budget insertion.
Sang-ayon sina Caloocan 2nd District Representative Edgar Erice at Davao City 3rd District Representative na padaluhin si Co.
ADVERTISEMENT
Bagay na kinuwestyon ni Manila 6th District Representative Benny Abante.
Ayon naman kay Mamamayang Liberal Representative Leila de Lima, dapat busisiin kung anong nangyari sa bicameral conference committee kung saan nangyari umano ang budget insertions.
Aniya, isa si Co sa makasasagot bilang dating chairman ng House committee on Appropriations.
