Iginiit ni Senate Majority Leader Senator Joel Villanueva ang pangangailangang managot ng mga mapapatunayang sangkot sa maanomalyang ghost flood control projects ng Department of Public Works and Highways (DPWH).
Kasunod ‘yan ng isiniwalat ni Cong. Leandro Leviste sa naranasan niyang umano’y panunuhol ng isang public works engineer para huwag nang mag-imbestiga sa mga anomalya sa DPWH projects sa Batangas, maging ang ghost projects na natuklasan mismo ni PBBM sa Bulacan.
Binigyang-diin ni Villanueva na maging ang mga tulad nilang opisyal ng Kongreso ay marapat lang maimbestigahan.
Ayon pa sa senador, kailangan maparusahan ang mga mapapatunayang sangkot sa anomalya upang hindi na tularan ng iba.
