Maayos na takbo ng Zero Balance Billing program ng DOH, ikinatuwa ni PBBM

Kinumpirma ni Pres. Ferdinand Marcos Jr. na maayos ang nagiging takbo ng Zero Balance Billing Program ng Department of Health o DOH.

Kasunod ito nang pag iinspeksyon ng pangulo sa East Avenue Medical Center sa Quezon City kung saan nasa labing walong libong pasyente ang na discharged ng walang binabayarang hospital bills.

Giit ni PBBM, ikinatuwa niya ang naturang report dahil napagtatagumpayan aniya ng gobyerno ang naturang programa.

Ang Zero Balance Billing ay ang government medical assistance program na pinondohan sa tulong ng MAIFIP o Medical Assistance to Indigent and Financially Incapacitated Patients, Philippine Charity Sweepstakes Office o PCSO, PAGCOR at mga pondo ng mga DOH hospitals.

Pinasalamatan din ng pangulo ang mga medical personnel ng naturang ospital para sa kanilang serbisyo.