Nakaalerto ngayon ang mga ospital ng Department of Health at ilang government-owned and controlled corporation hospitals sa Metro Manila upang tumulong sa pagdagsa ng pasyente sa Philippine General Hospital o PGH.
Ayon sa DOH, pansamantalang hindi muna makakatanggap ng bagong pasyente ang PGH emergency room matapos umabot sa higit 300 ang bilang ng pasyente sa loob lamang ng tatlo hanggang apat na araw — lagpas ‘yan sa 400% ng kapasidad ng 75 kama ng ospital.
Ang mga ospital, klinika, ambulansya, at doktor ay nag-abiso na dalhin muna ang mga pasyente sa mga doh hospital gaya ng:
East Avenue Medical Center
Rizal Medical Center
Jose R. Reyes Memorial Medical Center
Tondo Medical Center
National Kidney and Transplant Institute
Quirino Memorial Medical Center
Philippine Heart Center
San Lazaro Hospital
Philippine Children’s Medical Center
Dr. Jose Fabella Memorial Hospital
Kasama rin sa support network ang mga GOCC hospital tulad ng:
ADVERTISEMENT
Philippine Orthopedic Center
Philippine Lung Center
National Children’s Hospital
Philippine Mental Health Association
Pinaalalahanan din ang publiko na tumawag muna sa DOH Metro Manila Center for Health Development sa 0956-1753710 o 0920-2511800 bago dalhin ang pasyente upang matiyak ang wastong koordinasyon.
