Hindi umubra ang Gilas Pilipinas women’s basketball team matapos matalo sa Japan, sa score na 85-82, sa Shenzhen Sports Center.
Bumida ang Nationals sa isang 18-0 run sa huling limang minuto ng laro, mula sa mga puntos nina De Jesus, Animam, Surada, at Panganiban, matapos nilang mabaon sa 83-61.
Sa kabila ng pagkakataong lumapit pa, hindi naipasok ni Kacey Dela Rosa ang kanyang three-point attempt sa huling sampung segundo, habang isang buzzer-beater trey mula kay De Jesus ang naglapit lamang sa tatlong puntos ang final score.
Mula pa sa unang yugto, dikit-dikit na ang mga run ng Japan, kung saan lumobo pa sa 21 ang kalamangan nila bago ang halftime.
ADVERTISEMENT
Pinangunahan ni Maki Takada ang Japan sa kanyang 20 puntos, habang bumagsak naman sa ikalawang sunod na pagkatalo ang Gilas Women sa torneo.
