Nasa ₱11.1 milyong piso ng coral reef ang nasira dahil sa sumadsad na Chinese maritime militia vessel sa Pag-asa Island, ayon sa Palawan Council for Sustainable Development (PCSD).
Ayon kay PCSD field biologist Mark Dela Cruz, nakakakita sila ng mga broken fragments ng mga branching corals at chips of fragments ng mga mas malalaking coral sa Pag-asa Reef 1.
Ayon sa ilang marine scientists, ang paghila sa parachute anchor ng Chinese vessel ang nakasira sa mga coral reef.
Umaasa si Philippine Coast Guard spokesperson Jay Tarriela na sa pamamagitan ng Department of Foreign Affairs ay makakausap nila ang awtoridad ng China at maipapakita ang pinsalang dulot ng barko nito.
