“Not just a win for me but for every Filipino creator with a big dream and a bigger heart.”
‘Yan ang ipinahayag ni Justin Aguilar, isang Filipina content creator, matapos manguna sa TikTok Bootcamp sa Dubai, kung saan nagwagi siya ng $15,000 cash prize at UAE Golden Visa.
Sa nasabing bootcamp, sinubok at pinaghusay ang kakayahan ng mga kalahok sa larangan ng content creation. Nangibabaw si Aguilar — isang dating news reporter na ngayo’y kilalang content creator — dahil sa kaniyang husay at dedikasyon.
Ayon kay Aguilar, matapos matuto at makakuha ng inspirasyon mula sa bootcamp, patuloy siyang lilikha ng makabuluhang content at magsisilbing gabay sa kapwa niya content creator.
ADVERTISEMENT
Sa kanyang TikTok account na ‘heyitsjustinaguilar,” ibinabahagi niya ang kaniyang mga karanasan, kabilang na ang mga news recap sa UAE.
