Itinakda nang ganapin sa Pilipinas ang ikatlong FIG Artistic Gymnastics Junior World Championships mula November 20 hanggang 24 ngayong taon.
Gaganapin ang prestihiyosong paligsahan sa Marriott Grand Ballroom sa Pasay City, matapos igawad ng FIG Executive Committee ang karapatang mag-host sa bansa.
Ito ang unang pagkakataong magho-host ang Pilipinas ng nasabing pandaigdigang paligsahan, na inaasahang lalahukan ng pinakamahuhusay na batang gymnast mula sa iba’t ibang bansa.
