Hindi pa rin matutuloy ang matagal nang inaasahang rehabilitasyon ng EDSA hangga’t walang malinaw na rerouting plans at kahandaang buo mula sa mga lokal na pamahalaan, ayon kay Pangulong Ferdinand R. Marcos Jr. noong Linggo.
Ayon sa Pangulo, dapat ayusin muna ang plano bago simulan ang 23.8 km project na bahagi ng flagship infrastructure program ng administrasyon.
Naantala ang pagsisimula ng roadworks sa EDSA na orihinal na itinakda sa June 13 upang bigyan ng panahon ang mga ahensya na hanapin ang mas epektibong paraan ng pagpapatupad nito.
Ipinagmamalaki rin ng Pangulo ang mga pagbabago sa MRT-3 gaya ng bagong 1+3 family fare promo at mas mabilis na biyahe.
ADVERTISEMENT
Binanggit din niya ang pagpapabuti sa NAIA Terminal 3 bilang bahagi ng malawakang modernisasyon ng mga pangunahing paliparan sa bansa.
