Problema sa makina ang nakikitang dahilan ng mga awtoridad sa pagliyab ng isang pampasaherong bus sa bahagi ng diversion road, Brgy. Progreso, Gumaca, Quezon, noong Linggo, ika-18 ng Mayo.
Base sa inisyal na imbestigasyon ng BFP, tumigil ang naturang sasakyan sa pataas na bahagi ng kalsada na posibleng nagdulot ng pag-init ng makina nito saka nagliyab.
Matatandaang walang naisalbang kahit anong gamit ang mga pasahero dahil sa mabilis na paglaki ng apoy.
Wala namang nasugatan o nasawi sa insidente.
ADVERTISEMENT
Nagpapatuloy ang imbestigasyon ng awtoridad sa pangyayari kasunod ng paalala sa mga bus company na suriing mabuti ang mga sasakyan bago bumiyahe.
