Maximum hours ng pagmamaneho ng bus drivers, paiikliin

Iniutos ni Transportation Secretary Vince Dizon na paikliin ang maximum hours ng pagmamaneho ng bus drivers.

Paiikliin sa apat na oras mula sa dating anim na oras ang pagmamaneho ng bus, kasunod ng insidente sa SCTEX.

Kailangan ring may kapalit ang driver kapag lalagpas sa apat na oras ang biyahe.

Dapat din ay lisensyado ang kapalit nito at hindi maaaring maging karel’yebo ang konduktor.

Samantala, nag-utos naman si Pangulong Ferdinand Marcos Jr. na magkaroon ng nationwide audit sa mga bus operator at pagre-review sa proseso ng pagbibigay ng lisensiya sa mga driver.

Hihigpitan na rin ang pagpapatupad ng itinakdang speed limit para sa mga bus, truck, at iba pang sasakyan.