Sampung lalaki ang naaresto matapos mabuwag ang isang drug den sa isinagawang buy-bust operation ng PDEA Batangas, PNP Drug Enforcement Group, at Nasugbu Police sa Barangay. Lumbangan, Nasugbu Batangas.
Kabilang sa mga naaresto ang tatlong target-listed drug personalities na sina alyas Bioman, Wong, at Edgardo.
Narekober sa operasyon ang humigit-kumulang 10 gramo ng hinihinalang shabu na nagkakahalaga ng ₱68,000, iba’t ibang drug paraphernalia, at buy-bust money.
Nahaharap sa mga kasong paglabag sa RA 9165 ang mga suspek na kasalukuyang nasa kustodiya ng PDEA Region 4A sa Santa Rosa City, Laguna.
